Jack:「小心中毒,更要小心粒电」《BFB Champio

发布日期: 2020-06-07 13:16:44 阅读量:359

E易生活

Jack:「小心中毒,更要小心粒电」《BFB Champio

早阵子同班Friend讲到口水都乾埋嘅话题一定係欧洲国家盃,冰岛、威尔斯呢两班波真係俾到人好多惊喜,相信都可以成为一代传奇。nxTomo呢个时候推手游《BFB Champions》算係食得到条水。前作係威係势,新呢一集又会点?可唔可以引到人疯狂课金落去呢?

《BFB Champions》係《创造球会BFB》嘅正统继承作,继续由CYBIRD开发。早两星期只Game先做全球同步上架,香港仲係首发地区之一,预计到8月下旬只Game会于全世界98个国家或地区推出,大家好快就可以同来自世界各地嘅高手过招,成件事係刺激嘅。搵得马勒当拿作为代言人,可见游戏厂商方面对本作何等重视,但咁唔代表只Game会掂,所以我哋唔好理佢搵咩代言人,直接睇只Game先。

经典球星再登场

《BFB Champions》係一只育成手游,如果你係呢个系列嘅新玩家,我可以话你知只Game似PC版嘅《Football Manager》再加SEGA只《育成足球》。作为球队领队,除咗要比赛中作出唔同嘅决定同调兵遣将之外,买卖同埋育成球员都係重要事务。所有球员都係以卡牌嘅形式出场,最劲就係6星,当然要拎到6星卡,一係你要劲好抽奖命,一係你要非常有耐心同埋有海量金钱去抽。

Jack:「小心中毒,更要小心粒电」《BFB Champio
◆ 马勒当拿当然係属于最劲嘅6星级别啦!Jack:「小心中毒,更要小心粒电」《BFB Champio
◆ 派路係我其中一个最欣赏嘅中场,佢呢张6星卡真係可遇不可求!

摆阵更灵活

今集于排阵方面嘅设定係加重咗,全场被划分成19个区间,每个区间都可以因应手上球员嘅能力而作出战术调配,对于自命「战术大师」嘅巴丝打嚟讲又确係几吸引嘅。阵式方面,目前有32种唔同嘅阵式,但并唔係一开始可以用到,又係要慢慢打返嚟,或者课金……

Jack:「小心中毒,更要小心粒电」《BFB Champio

◆ 19区任你摆,当然摆尽都係11个人啦。

球员育成

有球员当然唔係就咁放落场就会赢波,不断训练等佢哋升Level及学到新技能先得,呢个係成只Game最花时间一环,因为要兼顾十几个球员嘛!今集设有5种训练模式,各自都可以达到唔同嘅成效。「日常训练」係一款小游戏,主要係可以拎到必要嘅道具;「教练训练」就係一个重训练模式,可以比较快嘅速度达成效果;「集体训练」就係全队一齐成长,係可以加强球队默契嘅最好方法;「个人训练」用嚟培育新人最有效;至于「留学」你可以当係一种投资,等你心目中嘅未来之星放洋学艺,浸过鹹水返嚟分分钟劲好多都唔定。

Jack:「小心中毒,更要小心粒电」《BFB Champio
◆ 平常嘅训练当然唔可以缺少。Jack:「小心中毒,更要小心粒电」《BFB Champio
◆ 放洋留学,希望阿仔生生性性,得闲记得写信返嚟呀~Jack:「小心中毒,更要小心粒电」《BFB Champio
◆ 我就几锺意呢个「梦幻挑战」,因为奖品真係好正。

画面靓爆

画质係《BFB Champions》其中一个大卖点,Super Interactive Match System(SIMS)令成场波嘅过程更立体更有临场感,再加上华丽嘅绝技画面,过瘾嘅!不过所有球员个样都係得一个表情,输又好赢又好都係沐咀咁嘅样,呢方面就真係要闹喇!係个样会转係多咗功夫,但成件事观感就正好多,玩起上嚟会投入好多架,不过而家应该都改唔到架喇,大家张就下啦唯有。

Jack:「小心中毒,更要小心粒电」《BFB Champio
◆ 绝招!超级传球!Jack:「小心中毒,更要小心粒电」《BFB Champio
◆ 所有球员都只係得一个表情,我真係觉得唔够OK。

超级食电怪

玩就好玩喇,不过只Game真係出奇地食电。我有个老友用部iPhone 6玩,玩咗30分钟电量由100%丧跌到得返20%;再转iPhone 6S驳WiFi试,都係一样啲电好似倒水咁。我当然唔太信,咪搵自己部LG G3试试,响屋企驳WiFi,个半钟粒电就已经叫救命,咁好大镬,出街的话真係唔敢开嚟玩,除非带住2个尿袋或者几粒电,但咁又何苦呢?

致《BFB》玩家

我冇玩《BFB》,所以我转去问我身边有玩《BFB》及《BFB Champions》嘅巴丝打,综合佢哋嘅意见,80%话现在呢一刻绝‧对‧唔‧会‧转玩新作。喂点解先?首先佢哋唔少人都话两只其实冇太大分别,画面新作係靓,但太食电令开Game嘅意慾都冇。其次由于新Game係要由头开始,对于嚮《BFB》进贡咗唔少银両嘅一众领队嚟讲,新作冇资料继承係好大嘅致命伤。不过我自己就咁谂,如果一班旧玩家可以带资料去新Game,咁新Game新玩家一开始就可能会遇到一班怪物级球队,到时又恐防会吓走呢班新客仔。另外只Game本身其实新旧作分别又唔係十分大,大部份技能係重覆,场景设计又唔係相差太远,对《BFB》玩家来讲《BFB Champions》嘅新鲜感新係唔足以令佢哋转Game。呢个两难局面可能好多代理都会遇见过,就睇下今次nxTomo可以点样拆掂佢。

致新玩家

至于係全新《BFB Champions》係一只几好磨时间嘅游戏,玩起上嚟係极度有《育成足球》嘅Feel,中毒高奇高。而家玩好多时都係对到A.I.,好难先对到玩家,我觉得呢个係一个机会俾大家好好熟习同升下Level,顺便恰下A.I.升下Level,迟下多咗人玩就可以同人有得打下。最后一句,正如前文所讲,记得要有充足电源供应。

Jack:「小心中毒,更要小心粒电」《BFB Champio

《BFB Champions》

游戏开发:CYBIRD Co., Ltd.

本地营运:nxTomo Games

游戏类型:足球育成

游戏平台:Android / iOS

游戏人数:1人

游戏售价:基本免费

推出日期:已上架

游戏网页

相关文章